REGLANAN DI PARTISIPANTE DI FUNDASHON WEGA DI NUMBER BONAIRE

 

Artíkulo 1: Aplikabilidat

E reglamentu di partisipashon aki ta aplikabel pa tur persona ( akibou yamá partisipante) ku ta partisipá na un òf mas loteria ku Fundashon Wega di Number Bonaire  ta ofresé.

 

Artíkulo 2: Formatnan di wega

2.1. Fundashon Wega di Number Bonaire por organisá e siguiente loterianan:

• Wega di Number Bonaire
• Wega di Number Kòrsou
• Zodiac

 

2.2. Wega di suerte “Wega di Number Bonaire” ta un tipo di wega kaminda un partisipante por bèt un suma riba un òf mas kombinashon di sifra. Tin numbernan serial di kuater sifra (0000-9999), numbernan serial di tres sifra (000-999), i numbernan serial di dos sifra (00-99).

2.3. Wega di suerte “Wega di Number Kòrsou” ta un tipo di wega kaminda un partisipante por bèt un suma riba un òf mas kombinashon di sifra. Tin numbernan serial di kuater sifra (0000-9999), numbernan serial di tres sifra (000-999), i numbernan serial di dos sifra (00-99).

2.4. Wega di suerte “Zodiac” ta un tipo di wega kaminda un partisipante por bèt un suma riba numbernan serial di kuater sifra (0000-9999) den kombinashon ku un signo.

 

Artíkulo 3: Partisipashon

3.1. Dependiendo di e tipo di wega ku a skohe pe, partisipantenan por partisipá na e loterianan ku Fundashon Wega di Number Bonaire ta ofresé:

• A. Kumprando un òf mas bòn di partisipashon na e puntonan di benta ofishal;

3.2. Partisipashon na un loteria ku Fundashon Wega di Number Bonaire ta organisá ta tuma lugá eksklusivamente basá riba e datonan den e sistema di registrashon i atministrashon ku Fundashon Wega di Number Bonaire ta usa pa e loteria ei.

 

Artíkulo 4: Kumpra bòn di partisipashon na puntonan di benta ofishal

4.1. Ta kumpra bònnan di partisipashon na e puntonan di benta ofishal apuntá pa Fundashon Wega di Number Bonaire.

4.2. Despues di pago kompleto, ta otorgá un bòn di partisipashon na e partisipante na e punto di benta. Ta partisipá ku e numbernan di loteria poné riba e bòn di partisipashon.

4.3. No ta permití pa repartí e suma ku un persona ta deseá di gasta na un kombinashon di number riba diferente bòn di partisipashon pa evitá impuesto.

4.4. Ta e partisipante ta esun ku mester kontrolá si tur kombinashon di number ku e partisipante a skohe, ta korekto.

4.5. Ta eliminá un bòn for di e sistema solamente si e no a prent kla, el a daña den e prenter, a kibr’é robes (mal kòrtá), òf ku no a prent.

4.6. Ora gasta US$400, e bendedó ta hasi un investigashon di kliente. Esaki ta inkluí ku ta identifiká i verifiká su identidat, frekuensia di bishita, patronchi di gastamentu i suma ku e kumpradó a yega di gana.

4.7. Si nenga di duna prueba di identidat, no ta hasi e transakshon.

4.8. Parti patras di e bòn di partisipashon tin e reglanan di e wega.

 

Artíkulo 5: Edat mínimo

5.1. No ta permití menornan di edat pa partisipá na loterianan ku Fundashon Wega di Number Bonaire ta organisá.

5.2. Si un menor di edat gana un premio di un loteria ku Fundashon Wega di Number Bonaire ta organisá, no Ta paga e premio akí.

5.3. No ta permití menornan di edat den e puntonan di benta.

5.4. Fundashon Wega di Number Bonaire ta tuma medidanan apropiá pa prevení partisipashon di menornan di edat.

 

Artíkulo 6: Mínimo i máksimo pa weganan di suerte

6.1. E bèt mínimo i máksimo pa Wega di Number Bonaire i Wega di Number Kòrsou ku Fundashon Wega di Number Bonaire ta organisá ta:

• Pa un kombinashon di number di kuater sifra, mínimo US$ 0.25 i máksimo US$ 25.00
• Pa un kombinashon di number di tres sifra, mínimo US$ 0.25 i máksimo US$ 94.00
• Pa un kombinashon di dos sifra, mínimo US$ 0.25 i máksimo US$ 452.00

6.2. E bèt mínimo pa Zodiac ku Fundashon Wega di Number ta organisá US$ 1.50 i e bèt máksimo ta US$ 15.

 

Artíkulo 7: Pakete di premio

7.1. Tin un pakete di premio fiho pa Wega di Number Bonaire, Wega di Number Kòrsou i Zodiac.

7.2. Premionan te ku awor ta konsistí di solamente premionan kèsh.

7.3. E premionan ta dependé di e bèt máksimo.

 

Pakete di premio Wega di Number Bonaire I Wega di Number Kòrsou

Pakete di premio pa Zodiac

Artíkulo 8: Sorteo di kombinashonnan ganadó

8.1. Sorteo di e numbernan ganadó di loteria di Wega di Number Bonaire ta tuma lugá públikamente via e kompania di televishon Nos TV di djaluna te ku djasabra 8.15 p.m., i riba djadumingu 3 p.m.

8.2. E sorteo di Zodiac ta tuma lugá tur djadumingu 3.10 p.m via Nos TV.

8.3. Pa Wega di Number Kòrsou ta hasi uzo di e sorteo di Fundashon Wega di Number Kòrsou. E sorteo di Wega di Number Kòrsou ta tuma lugá públikamente via e kompania di televishon TeleCuraçao di djaluna te djasabra 9 p.m. i djadumingu 5.30 p.m.

8.4. Departamento di Supervishon i Mantenshon su sekshon di Proyekto di Mantenshon i Taskforce Force, i un representante di Fundashon Wega di Number Bonaire ta supervisá e sorteo di Wega di Number Bonaire.

8.5. Anualmente e departamento di Supervishon su sekshon di Desaroyo di tereno, ta kalibrá e bolanan di sorteo.

8.6. Fundashon Wega di Number Bonaire ta outorisá pa posponé òf kanselá un sorteo, si na su opinion rumbo adekuado di e sorteo ta kore peliger. Lo publiká e desishon mas pronto posibel via e kompania di televishon Nos TV i radionan, publikando fecha nobo di e sorteo.

 

Artíkulo 9: Anunsio di e kombinashonnan ganadó

9.1. Fundashon Wega di Number Bonaire lo publiká e numbernan ganadó di kada loteria denter di un ora despues di e sorteo riba e wèpsait ku ta aplikabel pa e produkto, esta www.bonairelottery.com i WhatsApp di FWNB

 

Artíkulo 10: Método di pago di premio

10.1. Pago di premionan na efektivo ta tuma lugá despues di a kita 10% di impuesto riba wega di suerte.

10.2. Ta paga montantenan te US$1,000 na plaka kèsh na e puntonan di benta despues ku presentá un bòn di partisipashon bálido.

10.3. Ta paga sumanan riba US$1,000 pa medio di transferensia riba e kuenta di banko di e persona ku a entregá e bòn ganadó na ofisina di Fundashon Wega di Number Bonaire, Kaya Italia # 3.

10.4. Mester presentá un bòn di partisipashon i dokumento di identifikashon bálido. Dokumentonan di identifikashon bálido ta: sédula, pasport òf reibeweis.

10.5. Pa un estranhero un dokumento di identifikashon bálido ta e pasport.

10.6. No por hasi pago riba nòmber i kuenta di banko di un otro persona ku no ta esun ku a presentá e bòn di partisipashon.

 

Artíkulo 11: Vensementu di e derecho riba pago di premio

11.1. E derecho riba pago di un premio ta vense un luna despues di e fecha di benta menshoná riba e bòn partisipante.

11.2. Bou di ningun sirkunstansia no ta paga den kaso ku pèrdè bònnan di partisipashon.

11.3. Lo por paga bònnan ku no ta den bon estado despues ku Fundashon Wega di Number Bonaire a hasi investigashon i a duna aprobashon.

 

Artíkulo 12: Rechaso pa paga premio

12.1. Fundashon Wega di Number Bonaire ta outorisá pa suspendé pago di e premio si Fundashon Wega di Number Bonaire tin dudanan hustifiká tokante si e persona ku a entregá e bòn di partisipashon tin derecho pa tin e bòn den su poder i/òf riba e premio.

12.2. Fundashon Wega di Number Bonaire tin e derecho akí en todo kaso durante un investigashon di valides di e dudanan ei.

 

Artíkulo 13: Responsabilidat

13.1. E riesgo ku bònnan di partisipashon ta pèrdè òf disparsé despues ku e partisipante tuma nan den su posishon, ta keda di e partisipante.

 

Artíkulo 14: Keho

14.1. Mester dirigí tur keho relashoná ku e bèt mínimo òf máksimo ku Fundashon Wega di Number ta ofresé na:

Fundashon Wega di Number Bonaire
Kaya Italia #3