KON E PLAKA TA BAI BEK DEN KOMUNIDAT
Na 1992 gobièrnu a funda Fundashon Wega di Number Bonaire ku e mishon pa maksimalisá e entradanan yuda nos komunidat, organisando weganan di loteria. Yuda nos komunidat pa medio di deporte, enseñansa, kultura i trabounan karitativo.
Vishon di Fundashon Wega di Number Bonaire ta, pa sigui kontribuí pa desaroyá nos muchanan i komunidat en general.
Desde 1992, hungadónan di loteria a kontribuí na yuda institushon- i organisashonnan di deporte, enseñansa, kultura i trabounan karitativo. Pa aña mas di 50 organisashon ta bin na remarke pa risibí yudansa. Pero esaki lo no tabata posibel sin nos hungadónan. Nos ta orguyoso di e kontribushonnan ku nos ta duna na nos komunidat. Nos ta trahando duru pa oumentá nos rekursonan pa medio di práktikanan di maneho operashonal efisiente pa sigui yuda nos komunidat.
KON PA HASI UN PETISHON
Na 1992 a lanta Fundashon Wega Di Number Bonaire ku e meta prinsipal pa atkerí fondo organisando wega di azar na Boneiru. Mediante rekoudashon aktivo i entrada di e loterianan, nos ta kapas pa nos sostené anualmente diferente proyekto di interes sosial general.
Si bo ta un institushon òf organisashon riba tereno di deporte òf kultural ku ta aspirá metanan edukashonal òf karitativo, bo por apliká pa un donashon. Mester hasi e petishon por eskrito, por lo ménos 6 siman promé ku komienso di e proyekto, huntu ku un formulario di aplikashon kompletamente yená i firmá. Bo por baha e formulario di aplikashon for di riba e wèpsait akí.
Ta tuma solamente aplikashonnan kompletu, huntu ku aneksonan rekerí i firmá pa personanan outorisá, na konsiderashon.
- Un formulario di aplikashon kompletamente yená.
- Un karta kòrtiku athunto (petishon).
- Un plan detayá òf proyekto, den kua mester indiká spesífikamente e metanan di e plan òf proyekto.
- Un kopia di e statuto òf reglamentunan di e organisashon.
- Un presupuesto di entrada i gastunan di e proyekto ku aklarashonnan athunto.
- Un invitashon ofishal si esei ta relevante pa e petishon.
Solamente petishonnan ku ta kumpli ku e reglanan di nos maneho di donashon ta bin na remarke pa un donashon.
Si nos no honra bo petishon, lo bo risibí un karta di rechaso. Si honra bo petishon, lo bo risibí informashon tokante trayekto i kondishonnan bou di kua por duna un kontribushon.
