WEGA DI NUMBER BONAIRE
TOKANTE
Wega di Number Bonaire ta un wega di number. Bo por forma un kombinashon di un number di 4 (kuater) sifra entre 0000 i 9999 òf un kombinashon di un number di 3 (tres) sifra entre 000 i 999 òf un kombinashon di un number di 2 (dos) sifra entre 00 i 99. Un kombinashon di number di 4 sifra, ta kosta kada wega mínimo US $ 0.25 te máksimo di US $ 25. Un kombinashon di number di tres (3) sifra, ta kosta kada wega mínimo US $ 0.25 te máksimo US $ 94. Un kombinashon di un number di dos sifra ta kosta kada wega mínimo US $ 0.25 te máksimo US $ 452.
KON TA HUNGA
Lesa promé kon pa hunga responsabelmente.
Buska un punto di benta pegá ku kas, trabou òf snèk faborito. Skohe bo kombinashon di number di 4 (kuater) sifra entre 0000 i 9999, òf un kombinashon di number di 3 (tres) sifra entre 000 i 999, òf un kombinashon di number di 2 (dos) sifra entre 00 i 99. Entregá e selekshon di kombinashon di number na e empleado i bis’é ku bo ta deseá di hunga Wega di Number Bonaire. Despues ku bo a paga bo ta risibí bo bòn di prent ku bo numbernan skohé, e balor di kada kombinashon di number selektá, e montante total di e bòn, e fecha di e sorteo i e number di identifikashon di e bòn. Por fabor kontrolá bo bòn, promé ku bo bandoná e punto di benta. Abo ta responsabel pa bo bòn ta korekto.
KON TA GANA
Wega di Number Bonaire ta konsistí di tres sorteo. E promé sorteo ta e promé premio. E di dos sorteo ta segundo premio i e di tres sorteo ta terser premio. Bo kombinashon di number di 4 (kuater), 3 (tres), òf 2 (dos) sifra mester kuadra ku e numbernan ganadó di e promé sorteo, e segundo sorteo, òf e terser sorteo. Chèk e resultadonan ofishal di sorteo pa wak si bo ta un ganadó! Nos TV ta transmití e sorteo di Wega di Number Bonaire LIVE diariamente 08.15 i riba djadumingu 3 pm. Bo mira e resultadonan ku e numbernan ganadó riba nos wèpsait, bonairelottery.com òf riba e app di FWNB. Ta publiká resultado di sorteo tambe e siguiente dia den korant lokal. Bo por skèn e ‘barcode’ riba bo bòn na un punto di benta.
KON PA KOBRA BO GANASHI
Pabien ku bo a gana e loteria! I kiko awor? Bo ta un ganadó! Kiko awor?
- Premionan di US $ 1000 òf ménos bo por kobra na e punto di benta menshoná riba bo bòn.
- Premionan riba US $ 1000 bo mester reklamá na ofisina di Fundashon Wega di Number Bonaire, Kaya Italia #3, i lo paga esaki pa medio di transferensia riba bo kuenta di banko. Mester mustra bo tarheta di identifikashon.
- Mester reklamá tur premio den wikènt riba US $ 500 riba djaluna.
- Ta retené 10% di impuesto di wega di azar (kansspelbelasting) for di tur premio riba US $ 600.
DOKUMENTONAN REKERI
Pa reklamá un premio di $ 1,000 òf mas, e hungadó mester:
- Presentá un dokumento di identifikashon bálido
- Kuenta di banko di e ganadó
DOKUMENTONAN DI IDENTIFIKASHON KU TA ASEPTA:
- Un tarheta di identifikshon (Sedula) otorgá pa gobièrnu di Boneiru
- Un reibeweis bálido otorgá pa gobièrnu di Boneiru
- Un pasport bálido otorgá pa Reino Hulandes
- Pa hungadónan estranhero, un pasport bálido otorgá pa nan pais di orígen
FECHA KU UN BON TA KADUKA
- Mester reklamá premionan di sorteonan di Fundashon Wega di Number Bonaire denter di 30 dia despues di e fecha di e sorteo en kuestion.
- Unabes ku e periodo aplikabel vense, e bòn en kuestion di Fundashon Wega di Number ta kaduká.
REGLANAN
Bo bòn di wega ta e úniko prueba ku bo a kumpra i gana Wega di Number Bonaire. Por fabor kontrolá bo bòn promé ku bo bandoná e punto di benta. FWNB no ta responsabel pa bònnan ku a pèrdè òf ku a hòrtá. Un bòn no ta bálido si e no ta registrá den nos sistema, ta kibrá, ilegibel, di plak na otro òf falta informashon. E bòn mester ta intakto i no por tin perforashon den dje. E number di validashon mester ta kompleto. No lubidá di lesa e reglanan riba e parti patras di e bòn.